Bota a andar a VI Edición da Escola Ambiental de Senda Nova

Bota a andar a VI Edición da Escola Ambiental de Senda Nova

A Escola Ambiental de Senda Nova inaugurou, hoxe sábado día 4, un novo curso, máis de medio cento de persoas nós reunimos no Espazo da Natureza de Oza para darlle a benvida a VI edición de este proxecto. O grupo de máis de 25 rapaces e rapazas da comarca, acompañados polas súas familias, tiveron a súa primeira toma de contacto cos monitores e co proxecto no que participarán dende hoxe ata o vindeiro mes de xuño.

Durante a xuntanza explicóuselles aos participantes e as súas familias a orixe da Escola, os seus obxectivos principais e o tipo de actividades que realizarán durante estes 8 meses. Facéndolles saber que o obxectivo principal da Escola é achegar aos cativos e cativas ao seu patrimonio natural e cultural máis achegado, coñecéndoo e aprendendo a protexelo e a ser conscientes do tipo de problemáticas ambientais que teñen ao seu redor e que os afectan directamente. Todo isto farano a través de actividades e dinámicas moi diversas, que comprenden camiñadas a pe interpretativas, sesións de aula, actividades de horta, visitas a espazos de interese etc.

Un ano máis queremos agradecer aos nenos e nenas e as súas familias, que sigan apostando por actividades deste tipo, e que entre todos contribúan a seguir loitando pola protección do noso patrimonio. Agradecémoslle xa de antemán o esforzo que implica apuntarse a actividades coma esta, na que a climatoloxía xoga moitas veces en contra, e nas cales , maiores e pequenos, aprendemos pouco a pouco a adaptarnos as condicións que nos ofrece o noso entorno.
Agradecementos tamén aos monitores e monitoras da Escola, que intentan ano tras ano seguir mellorando, e facer que os nenos e nenas aprendan a gozar do seu entorno.

Cabe destacar, un ano máis , a colaboración do Concello de Carballo, que dende o ano 2012 apoia e colabora con esta iniciativa, e medra en apoio a medida que o proxecto vai aumentando en participantes, tempo e recursos.

Coma todos os anos, aínda que a Escola Ambiental comece, seguimos traballando na súa difusión nos centros de ensino, e o prazo de inscrición segue aberto durante todo o curso, polo que os rapaces e rapazas que estean interesados en participar poden poñerse en contacto con nós.

 

VI Escola Ambiental Senda Nova. Presentación

Flickr Album Gallery Powered By: Weblizar

Navegando nesta web estarás de acrodo co uso de cookies. Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close