Contar. Celso F. Sanmartín

Contar. Celso F. Sanmartín

Celso F. Sanmartín

Espazo da Natureza de Oza

21 decembro ás 21 h.

Axuda: 3€

Ata completar aforo.

 

O vindeiro día 21 ás 21 horas teremos connosco  a Celso F. Sanmartín  no Espazo da Natureza de Oza co seu traballo CONTAR. Será dentro da vindeira xeira das Historias de Inverno.

Se o vindeiro domingo pechabamos o 7º Outono en Marcha en terras de Lalín, hoxe presentamos esta actividade seguindo cos vínculos entre o Deza e Bergantiños.

A labor de Celso F. Sanmartín  no eido social vai máis aló do profesional. Pertence ao grupo Salvemos Catasós, co que colaboramos recentemente, participando no activismo para a protección das fragas de Lalín fronte á liña de alta tensión que aínda hoxe ameaza o bosque autóctono.

Aínda así, o artista do Deza é máis coñecido polas súas contadas. Dende ben mozo ven recollendo historias do rural galego, sobre todo da xente maior, pola que mostra devoción. O seu traballo pretende manter viva a memoria do rural galego a través desa escoita e da narración oral, liña da que ven traballando dende fai tempo.

A parte desta faceta, Celso é autor e coautor de numerosos traballos entre os que destaca a poesía. A parte dos traballos en solitario ten participado tamén en espectáculos con outros artistas como Kiko Cadaval ou Cándido Pazó.

Polo traballo no activismo ambiental e pola súa grande labor como divulgador da memoria do noso rural a través dos maiores, estamos encantados de ter a Celso e ao seu espectáculo CONTAR, a carón dos maiores da costa da Morte. Por suposto dentro do noso proxecto coas HISTORIAS DE INVERNO  que, nesta nova xeira 2018-2019, pretende achegarse ás 30 parroquias percorridas.

 

Espazo da Natureza de Oza

21 decembro ás 21 h.

Axuda: 3€

Ata completar aforo.