DÍAS DOS BOSQUES, ESPAZOS DE APRENDIZAXE

DÍAS DOS BOSQUES, ESPAZOS DE APRENDIZAXE

Cartel bosques 17 jpg

Cartel bosques 17 jpg

DÍAS DOS BOSQUES, ESPAZOS DE APRENDIZAXE

Descarga AQUÍ o cartel

Cartel bosques 17 jpg

Cartel bosques 17 jpg

Dende Senda Nova queremos ofrecervos un novo programa de actividades que ven a pechar por completo a estación de inverno e co que intentamos, dende xa fai uns cantos anos, achegarnos dun xeito interpretativo ás masas de bosque autóctono, traballando na sensibilización e a través de diferentes actividades, moitas delas, en contacto co medio natural.

As saídas percorrerán masas de bosque autóctono da bisbarra, co claro obxectivo de dalo a coñecer a través de saídas interpretativas, en grupo e de xeito respetuoso co medio. O río Bardoso ao seu paso por Montemaior, na Laracha, é o primeiro destino que terá continuidade o mesmo día, sábado 4 de marzo, coa visita pola tarde á Berbia, na parroquia carballesa de Entrecruces.

En ámbalas dúas excursións, as saídas serán dende A Laracha e Carballo (9:15), tendo que inscribirse previamente de balde antes do venres 3. ( sendanova@hotmail.com, 696155232)

Para o domingo día 6 deixaremos a ruta Camiños de Aldemunde, que, dende o bosque da Ribeira da Pena, levaranos ao patrimonio cultural máis importante da parroquia carballesa.

El Secreto del Bosque e Tukki e  la Huella Ambiental  son dúas proxeccións para os días 9 e 16 respectivamente. Os documentais pertencen ao arquivo do CEIDA Butaca Verde e a súa temática é ben acorde coa sensibilización sobre os bosques autóctonos. As reproducións serán ás 19 h. dende a Escola de Oza e a entrada será libre.

Para o día 6 e 7 de marzo temos reservado un obradoiro de pegadas, que achegará ás rapazas e rapaces de 5º do colexio Otero Pedrayo da Laracha, aos rastros que diferentes animais nos poden deixar no bosque e traballar na súa observación.

O Día 19 será o peche dos DÍAS DOS BOSQUES, co tradicional Día da Árbore, desta vez coa plantación conxunta de especies autóctonas que terá lugar dende a Escola Unitaria de Oza e á que convidamos a veciños e veciñas da bisbarra. Só tes que traer o teu cubo e a túa pala  ás 11 h. dese domingo.

Como sempre, animamos a veciños e veciñas de todas as idades a participar nas xornadas e achegarse aos nosos espazos. Espazos de aprendizaxe.

Navegando nesta web estarás de acrodo co uso de cookies. Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close