Nova xeira dos XOVES DE FILME

Nova xeira dos XOVES DE FILME

 

Seguindo co obxectivo de resaltar os valores ecolóxicos e culturais da bisbarra a través de documentais, poñemos en marcha unha nova xeira do xa coñecido programa XOVES DE FILME.

No seguinte ciclo de proxeccións coinciden varias propostas dun interese cultural e paisaxístico local, sobre todo da comarca de Soneira, que conviven con outras dúas proxeccións de carácter sociocultural que tratan sobre a colectividade do monte e o esgotamento de recursos.

Finalmente e, como é habitual nos diferentes programas de filme, unha temática que segue a poñer o foco nunha problemática contundente no noso territorio como son os incendios forestais. Unha reflexión que analiza as verdadeiras causas polas que arde o noso país.

Con todo, o foco principal desta xeira de filmes corresponde á nosa estrea como entidade no mundo audiovisual. E HOXE QUEN BAILA? é o primeiro dos documentais baseado en tantos e tantos faladoiros cos nosos maiores por 21 parroquias de Bergantiños e Soneira nas Historias de Inverno.

Queremos que o día 18 ás 20 h., no Espazo da Natureza de Oza sexa momento de reencontro de tod@s @s presentador@s e narrado@s, así como tod@s aquelas persoas que participaches colaborando con este fermoso proxecto. Un tempo tamén de agradecemento ás verbas dos nosos maiores e ao noso rural da Costa da Morte.

Estamos moi orgullos@s deste primeiro traballo e queremos compartilo con vos. Invitados tamén quedades.

Con todo e coma en todas as anteriores propostas dos Xoves de Filme, pretendemos o achegamento á ecoloxía e cultura, máis aínda dos espazos de máis de cerca, a través do audiovisual,  e tamén dando pulo a traballos locais que mostran estudos elaborados da nosa realidade rural. Agradecidos quedamos ao SEMESCOM.

Como non, seguir a facer medrar o entorno rural do Espazo da Natureza de Oza.

A entrada é de balde. O horario ás 19h. dos xoves agás E HOXE QUEN BAILA? , que se proxectará o venres 18 ás 20 h.

Estas son as propostas:

19 ABRIL
Os Penedos de Pasarela e Traba. A arte dos dedos do tempo

Produción: Seminario de Estudos Comarcais da Costa da Morte (SEMESCOM)

Dirección: Xosé María Lema, Roberto Mouzo

Duración:

Sipnose: Sobre o proceso de protección e recoñecemento dos Penedos de Pasarela e Traba

Ano: 2009

26 ABRIL
Non hai mañá

Produción: Incubate Pictures

Dirección: Dermot O’Connor

Duración: 35 min

Sipnose: Filme animado sobre o esgotamento de recursos, enerxía e o crecemento

Ano: 2012

3 MAIO

Ruta das antas da Costa da Morte. Os principais monumentos megalíticos

Produción: Seminario de Estudos Comarcais da Costa da Morte (SEMESCOM)

Dirección: Xosé María Lema Suárez

Duración: 20 min

Sipnose: Un percorrido polas principais antas e mámoas da Costa da Morte

Ano: 2009

10 MAIO

En todas as mans

Produción: trespés s. Coop. Galega

Dirección: Diana Toucedo

Duración: 100 min

Sipnose: Documentario sobre os montes veciñais e mancomúns na Galiza, que pretende mostrar unha realidade escasamente coñecida e pouco valorada pola sociedade galega.

Ano: 2015

Venres 18 MAIO ás 20h
ESTREA

 

24 MAIO
Queimar o Monte

Dirección: Emilio Fonseca Martín

Produción: Uxía Buciños

Duración: 56 min

Sipnose: Documentario que trata e analiza as verdadeiras causas dun dos maiores problemas ambientais de Galiza, os incendios forestais.

Ano: 2012

31 MAIO
Os batáns do Mosquetín, un conxunto etnográfico singular

Produción: Seminario de Estudos Comarcais da Costa da Morte (SEMESCOM)

Dirección: Xosé María Lema Suárez

Duración: 30  min

Sipnose: Sobre o proceso de recuperación dos batáns do Moquetín, na Terra de Soneira

Ano: 2006

Navegando nesta web estarás de acrodo co uso de cookies. Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close