Presentación da VI Edición da Escola Ambiental de Senda Nova.

Presentación da VI Edición da Escola Ambiental de Senda Nova.

 

Como cada mes de novembro, dende hai xa 5 anos, ponse en movemento o motor da Escola Ambiental de Senda Nova, que acada este ano a VI edición.

O vindeiro sábado día 4 de novembro ás 11:00h no Espazo da Natureza de Oza, terá lugar a presentación cos máis de 25 rapaces e rapazas da comarca e as súas familias, cos cales compartiremos durante 8 meses actividades e experiencias todas as semanas.

Un ano máis tentaremos achegar ás nenas e nenos de 3º a 6º de primaria ao seu entorno máis próximo, a través de actividades que se realizarán as fins de semana. Dende sesións de aula, roteiros interpretativos a pe, obradoiros de rastreo, actividades ornitolóxicas, e todo tipo de dinámicas que nos axudarán a nenos e monitores a descubrir os tesouros que temos preto da casa, e aos cales moitas veces non lle damos a importancia que realmente teñen, ou ate descoñecemos que existen. Visitaremos lugares máxicos como o Bosque da Ribeira da Pena en Aldemunde, ou o interesantísimo e importante espazo ecolóxico de Razo-Baldaio.

A Escola Ambiental servirá de novo para formar aos máis novos en valores e conciencia sobre o seu patrimonio natural e cultural, e serviralles para acadar un contacto pleno e consciente co seu entorno, aprendendo a coidalo e a saber gozar del sen danalo.

Esta actividade nace grazas á suma e encaixe de moitos esforzos, comezando polo esforzo que realizan os cativos/as e as súas familias en sumar en cada unha das actividades que se levan a cabo no proxecto máis longo de Senda Nova, pasando polos monitores e monitoras que preparan cada sesión con agarimo e ilusión, e rematando co apoio e colaboración que ano tras ano nos ofrece o Concello de Carballo.

Vémonos o sábado, no Espazo da Natureza de Oza para darlle a benvida a este novo curso !!!

 

Navegando nesta web estarás de acrodo co uso de cookies. Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close