AMOR POLA TERRA, AMOR POLO PATRIMONIO

A Asociación Ambiental Senda Nova é unha entidade sen ánimo de lucro composta duns 50 socios, principalmente das comarcas galegas de Bergantiños e Soneira. Ten como obxectivos principais a protección e posta en valor do patrimonio ambiental, cultural e paisaxístico, sobre todo das comarcas de Bergantiños, Soneira e Ordes.

Para acadar eses obxectivos facemos realizamos diferentes tipos de actividades ordenadas  dentro de  media ducia de programas que establecen a programación anual de actividades. As mesmas son de moitos tipos, destacando aquelas desenvolvidas no medio natural e nas iniciativas prestadoras de servizos á mocidade.

Deste xeito, véñense levando a cabo diversos proxectos de posta en valor do noso patrimonio que se caracterizan por:

 

COLABORACIÓN CON ENTIDADES

Dende a Asociación Ambiental Senda Nova coincidimos en que a colaboración con outras asociacións, concellos, plataformas e endidades sociais en programas de obxectivos comúns, fomenta e fai de efecto multiplicador, sendo máis fácil mellorar os nosos obxectivos. Deste xeito, dende Senda Nova estamos a traballar con asociacións de veciños, culturais, concellos, etc, para sacar adiante os programas.  Tamén  estamos integrados con outras entidades en plataformas veciñais que teñen como obxectivo a protección da cultura e/ou o medio natural.

Grazas a estas mesmas colaboracións, dende Senda Nova viaxamos a outros lugares da Península, e tamén por Europa, tentando levar con nós a nosa cultura, compartir experiencias, maneiras de traballar e coñecer outras culturas, paisaxes e hábitats. Dentro do noso programa VERÁN AO NATURAL, tentamos ter un contacto pleno coa natureza en lugares como Asturies e en proxectos como o ENCONTRO  ou a BERREA. O primeiro deles ten un marcado aspecto social e no segundo destacamos a importancia da convivencia.

 

MOCIDADE

A Escola Ambiental de Senda Nova  confírmase como unha proposta de presente e futuro para a asociación e para a nosa sociedade. Paralelo a un curso escolar, esta escola infantil de coñecemento do patrimonio máis achegado pretende inculcar en 25 rapaces e rapazas carballeses o coñecemento do entorno máis próximo durante 8 meses cargados de traballos de aula e saídas ao medio. Ademáis, existen diferentes propostas abertas á mocidade fora desta escola, como son os Obradoiros de Observación e Convivencia ou outros proxectos relacionados coa agricultura tradicional, o xogo e xoguete tradicional…etc. Aparte, coidase de que o resto de actividades sexan adaptadas á mocidade e faise un esforzo de difusión das mesmas dende os colexios e institutos da zona a través de charlas e reparto de matreial gráfico.

 

VOLUNTARIADO

O traballo organizativo na entidade é feito ao cento por cento por voluntarias e voluntarios, socios de Senda Nova na súa maioría que poñen o seu tempo libre e os seus principios ao servizo dos obxectivos da entidade.

Destacar e agradecer o sempre presente espírito de convivenza e o esforzo de organizadores e participantes, máis se cabe, naquelas actividades nas que as mesmas condicións climatolóxicas que pintan de verdes as nosas  leiras esixen un esforzo extra aos participantes das nosas actividades.

 

PEQUENO COMERCIO

Perseguimos a coherencia á hora de mercar. Coidamos que os gastos da entidade vaian parar o máximo posible ao pequeno comercio. Ese comercio de proximidade é tamén ao que recurrimos no financiamento de proxectos que requiran axuda privada. Coidamos que é a espiral necesaria.

 

O NOSO RURAL, ECONOMÍA SOSTIBLE

Entendemos que a pérdida de poboación do rural é unha lacra social. Entendemos que evitar isto é tamén contribuir a unha economía sostible baseada nos sectores primarios e nas apostas pola cultura e o deporte como motores económico. Os servizos, as actividades e a dinamización das parroquias rurais pon o gran de area para unha maior relación social na parroquia e un maior orgullo pola mesma.
Creemos que o deseño de roteiros polas zonas rurais e a potenciación dos vestixios culturais esquecidos das parroquias contribún á potenciación deses valores. Deste xeito cóntase con entidades e persoeiros da zona na interpretacion dese patrimonio, e tamén coas presentación das mesmas nos centros sociais rurais, vertebradores da vida social das parroquias. Dende as HISTORIAS DE INVERNO  e outros programas, tamén se ven contribuíndo á dinamización dos centros a través de diferentes propostas.

Navegando nesta web estarás de acrodo co uso de cookies. Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close