Carteis e tripticos ao final do artigo

Máis de 60 persoas se deron cita no Espazo da Natureza de Oza para recibir á 16 Primavera en Ruta nun acto onde foi protagonista a rapazada da Escola Ambiental, e que se converteu tamén nunha xornada de portas abertas onde os propios nenos e nenas difundiron aos asistentes as actividades que realizan.

A 16 edición ten como subtítulo XUNTAS, en homenaxe a todas cantas entidades levan colaborando durante estes 16 anos e que amosan que o proxecto é precisamente un encaixe de axudas entre concellos, entidades e as persoas que formamos Senda Nova.

Este ano, como homenaxe a este xeito de entender o proxecto, facilitamos e impulsamos a participación dunha boa xeira de entidades, que se achegarán dende o ámbito local a participar nas andainas polas súa parroquia e concello. É o caso da Asociación Lourido de Coristanco, a A. V. de Aldemunde de Arriba ou a entidade Veciños polo Rural de Cerceda.

A estas entidades súmase a Plataforma da zona central asturiana Salvemos Peñamayor, que loita a prol da terra dende este encrave. Tamén dende Asturies nos visitará o Grupo Naturalista Mavea, que centra a súa actividade na contorna de Avilés.

Estas entidades encaixan coa participación do Concello de Guitiriz dentro do seu programa deportivo de andainas.

Ademais destas entidades é importante a axuda en difusión e coordinación a Escola Oficial de Idiomas de Carballo que, xunto coa labor de Protección Civil de Carballo, apoian cun importante esforzo.

Coma sempre é vital o apoio dos concellos. Deste xeito, o Concello de Carballo, o Concello da Laracha e o Concello de Malpica de Bergantiños apoian o proxecto e facilitan lugares de apuntamento e saídas dende os diferentes territorios para cada unha das rutas. A estes concellos tamén se suma o Concello de Zas e o Concello de Trazo.

Todas estas novidades conviven con vellos obxectivos: o que nos uniu fai 16 anos para coincidir en percorrer de xeito periódico o patrimonio de todas as andainas que deseñamos. Polo menos unha vez ao ano. Deste xeito a Primavera en Ruta renovase en esforzo dende a base de obxectivos fixos e claros e que formulan unha diagnose do territorio, ao percorrelo de xeito regular, e visitando de xeito interpretativo os lugares máis interesantes das parroquias que visitamos.

Dende aquí e ademais de todas as entidades participantes e colaboradoras, queremos agradecer o gran esforzo dos grupos colaborativos de Senda Nova, grazas aos cales os proxectos fanse maiores.

Aquí vai o desenvolvemento do proxecto:

 

 

 

 

 

 

SENDEIRISMO PARA COÑECER

 

XUNTOS                                     

 

• Ruta 1. O SON DO ANLLÓNS   (Carballo, Coristanco)

O río de Bergantiños

Coa participación do Grupo Naturalista Mavea (Asturies)

23 marzo

Distancia aproximada    16 km

Dificultade baixa

 

• Ruta 2. CAMIÑOS DE ALDEMUNDE (Cerceda, Carballo, Tordoia)

           O bosque na encrucillada

                 Coa participación de
Asociación Veciños polo Rural ( Cerceda) e A. de Veciños de Aldemunde de Arriba

 

30 marzo

Distancia aproximada  7 km

Dificultade baixa

 

• Ruta 3 COSTA AGRESTE DE CERQUEDA E CAMBRE (Malpica de Bergantiños)

Coa participación da Plataforma Salvemos Peñamayor (Asturies)

Paisaxe malpicá

6 abril

Distancia aproximada           15 km

Dificultade  media-baixa

 

• Ruta 4 RUTA DAS MÁMOAS       (Cabana de Bergantiños)

                  Segredos megalíticos

13  abril

Distancia aproximada   14 km

Dificultade baixa

 

• Ruta 5 CORISTANCO HISTÓRICO  (Coristanco)                                                                          

Patrimonio conxunto

Coa participación da Asociación Lourido (Coristanco)

27  abril

Distancia aproximada  16 km

Dificultade media

 

• Ruta 6      CAMIÑOS DE CAIÓN  (A Laracha, Carballo)

Miradoiros do Atlántico                                                                                 

Coa participación do Concello de Guitiriz dentro do seu programa de andainas Guitiriz en Ruta 2025

11 maio

Distancia aproximada      14 km

Dificultade baixa

 

• Ruta 7     TERRAS ALTAS DE SONEIRA   (Zas)

Zas en estado puro

18 maio

Distancia aproximada      16km

Dificultade media-baixa

 

• Ruta 8 FORZA DO RÍO CHONIA (Trazo)

Recunchos de Trazo

25 maio

Distancia aproximada  16 km

Dificultade baixa

 

 

 

COMO SE REALIZAN AS ACTIVIDADES

• Comendo o bocata da comida xuntos. A hora de chegada dependerá de cada
• Coñecendo mellor o noso entorno, porque paramos para aprender. Para ofrecer os nosos coñecementos e para escoitar aos que aportan.
• Dende a organización encargámonos de recollerte no transporte nos lugares habilitados e devolverte ao mesmo lugar.
• Camiñamos en grupo.
• Os roteiros foron deseñados para pasar por lugares de interese cultural, natural e paisaxístico. Para poñer en valor o noso patrimonio e para escapar do asfalto.
• Integrámonos nas dinámicas.
  * Guías titulados

 

 

 

 

NON TE ESQUEZAS

 

           Puntualidade

• O teu avituallamento e a auga
• Calzado e roupa axeitada. Haberá lama seguro!
• Nunca deixes a mochila, un impermeable, navalla, gorra, protección solar e…a cámara de fotos!
• Sentimos que nalgunhas saídas e, para un mellor desenvolvemento da actividade, cumprir obxectivo e coidado do entorno, as prazas poden ser limitadas.
• Que as actividades poden sufrir modificacións.

INSCRIPCIÓNS          

Lugares de inscripcións:

Base de Protección Civil de Carballo.

Edif. Ambulatorio vello. Carballo 2º andar                      Luns a venres  de 9:30 a 13:30h

 

Departamento de Cultura e Deportes do Concello da Laracha

Praza do Concello s/n  2º andar                                        Luns a venres   de 9:30 a 13:30h

Casa do Concello de Malpica de Bergantiños

Oficinas xerais                                                           Luns a venres 9:30 a 13:30h

Espazo da Natureza de Oza                                              Xoves e venres   de 17 a 20h. 

Escola de idiomas de Carballo

Pazo da Cultura 1º andar                                            Martes 18 a 20h.

 

 

Data límite de inscripción:

Ata 2 días antes de cada roteiro

 

Prezos:

Non soci@s:  Maiores de idade: 8 €    Menores de idade 6€

Soci@s: Maiores de idade 6€            Menores de idade 4€     Grupo de colaboracion de S. N. De balde

 

 

Lugares de saída: 

A Laracha: Diante do concello    Carballo: Centro Comercial Bergantiños

Malpica: Centro cívico                Zas: Diante do concello

Leiloio: Bar a Cunca                    Trazo: Iglesia de Restande

 

 

MÁIS INFORMACION

 

Apuntamentos participantes de fora de Bergantiños INFÓRMATE

www.sendanova.org

sendanova@hotmail.com

tf 611037617   

 

           

HORARIOS DE SAÍDA

RUTAS	Malpica	Leiloio	A Laracha	Carballo	Zas	Trazo
1 Son do Anllóns	8:55	9:05	9:00	9.15	–	–
2 Camiños de Aldemunde	8:55	9:05	9:00	9:15	–	–
3 C. Agreste de Cerqueda e Cambre	9:35	9:30	9:00	9:15	–	–
4 Ruta das Mámoas	8:55	9:05	9:00	9:15	–	–
5 Coristanco Histórico	8:55	9:05	9:00	9:15	–	–
6 Camiños de Caión	8:55	9:05	9:30	9:15	–	–
7 Terras altas de Soneira	8:55	9:05	9:00	9.15	9:45	–
8 Forza do Río Chonia	8:55	9:05	9:00	9:15	–	10:00

Descarga aqui o cartel en pdf
Descarga aqui o triptico en pdf