As mochilas limpas, as botas con crema e o impermeable listo. Todo a punto para que este domingo se inicie a 12º edición da PRIMAVERA EN RUTA, o programa máis antigo da asociación, que este ano pretende chegar ás 8 andainas.

OBXECTIVOS

Sen dúbida, o máis preparado por parte de Senda Nova e camiñantes é o espírito de coñecemento e de posta en valor do noso entorno. Case 200 paradas ben definidas nos agardan dentro dun programa que percorrerá as comarcas de Bergantiños, Soneira e Ordes, para sacar á luz e coñecer moito do patrimonio máis importante da bisbarra. Coma sempre, farase a través deses marcos establecidos, eses deseños de itinerarios que non son outros que traballos previos de investigación da propia asociación, principalmente  a través do esforzo de Evaristo Domínguez Rial e Jose M. Menéndez Varela.

O agarimo a eses traballos e eses puntos interpretativos ven dado na procura desa dinamización dos mesmos a través de programas como este que ve a luz.

 

SUMA DE ESFORZOS

A 12 PRIMAVERA EN RUTA  é, coma outras, un cúmulo de esforzos. A implicación do Concello de Carballo, do Concello da Laracha, do Concello de Coristanco, do Concello de Malpica de Bergantiños e o Concello de Zas únese a labor de Protección Civil de Carballo e do voluntariado de Senda Nova. Unha ensalada de mans para elaborar un calendario fará chispa cada domingo dende agora ata mediado o mes de xuño. Oito domingos para a aprendizaxe.

 

COMO SE REALIZA

Os esforzos dóbranse dentro deste contexto de restricións, polo que as actividades sufrirán modificacións en canto a número total de participantes e xeito de realizacións dos eventos. Tamén se poden pospoñer andainas, incluso cancelacións, polo que se intentará nese caso, informar coa maior brevidade.

Aínda así, adoptando as medidas de seguridade pertinentes, entendemos estas actividades no medio natural como eventos seguros. Sen dúbida e máis nestas circunstancias, como moi beneficiosas para a saúde física e mental.

É obrigado o uso de máscara e o respecto das indicacións dos guías.

Ademais:
Pasamos  a xornada do domingo xuntos. Comemos o bocata en ruta. Chegamos cando rematemos, porque o tempo é de balde e nos utilizámolo para aprender.

Coñecemos  mellor o noso entorno, porque paramos para aprender. Para ofrecer os nosos coñecementos e para escoitar aos que aportan.

Non te preocupes do vehículo, o transporte recóllenos nas saídas establecidas no horario establecido e déixanos  no mesmo lugar ao rematar a actividade.

Camiñamos en grupo ou grupos, mantendo as medidas de seguridade.

 

LEMBRA

 * Necesitamos de toda a túa puntualidade.

• Un calzado axeitado ( a poder ser con membrana impermeable), roupa axeitada, pode facerche máis pracenteira a saída.

Nunca deixes a mochila, un impermeable, navalla, gorra, protección solar e…a cámara de fotos!

Sentimos que nalgunhas saídas e, para un mellor desenvolvemento da actividade, cumprir obxectivo e coidado do entorno ou cumprir coas restricións establecidas, as prazas poden ser limitadas.

Que as actividades poden sufrir modificacións.

Descarga AQUÍ o cartel
Descarga AQUÍ tríptico

 

 

CALENDARIO DE ANDAINAS

 

• Ruta 1. O SON DO ANLLÓNS     (Bergantiños)

O patrimonio ecolóxico dos nosos ríos dende o corazón de Bergantiños

18 abril       Distancia aproximada    20 km                Dificultade media-baixa

 

 

• Ruta 2 CAMIÑOS DE ALDEMUNDE (Carballo)

                 Os segredos do bosque atlántico da Ribeira da Pena

25 abril     Distancia aprox: 7 km                  Dificultade moi baixa

 

 

• Ruta 3. CORISTANCO HISTÓRICO    (Coristanco)

O latexo da historia dende as corredoiras.

2 maio     Distancia aproximada  18 km            Dificultade media

 

 

• Ruta 4 RUTA DAS MÁMOAS   (Cabana de Bergantiños)

                  A máxia dos petróglifos e megalitos

9 maio      Distancia aproximada   14 km                Dificultade baixa

 

 

• Ruta 5 COSTA AGRESTE DE CERQUEDA E CAMBRE  

 ( Malpica de Bergantiños)

Segredos xeolóxicos dende a caprichosa paisaxe malpicá

23 maio         Distancia aproximada  14 km             Dificultade baixa

 

 

• Ruta 6     A FORZA DO RÍO CHONIA   (Trazo)

Descubrindo muíños e batáns escondidos.

30 maio        Distancia aproximada           20 km                Dificultade  media-baixa

 

 

• Ruta 7 CAMIÑOS DE CAIÓN        (A Laracha)

Os máis amplos horizontes cara o mar dende os mellores altares

6 xuño       Distancia aproximada      14 km             Dificultade baixa

 

 

• Ruta 8           TERRAS ALTAS DE SONEIRA     (Zas)

Soneira dende os balcóns salvaxes de Pico de Meda.

13 xuño        Distancia aproximada      16km              Dificultade media-baixa

 

 

 

INSCRIPCIÓNS          

 

Lugares de inscripcións:

 

Base de Protección Civil de Carballo.

Edif. Ambulatorio vello. Carballo 2º andar                      luns a venres  de 9:30 a 13:30h

 

Departamento de Cultura e Deportes do Concello da Laracha

Praza do Concello s/n  2º andar                                        luns a venres   de 9:30 a 13:30h

 

Departamento de Cultura e Deportes do Concello de Coristanco

Edificio de usus múltiples  21º andar                                        luns a venres   de 9:30 a 13:30h

 

 Espazo da Natureza de Oza                                          mércores, xoves e venres   de 17 a 20h.  

 

 

 

 

Data límite de inscripción:

Ata 2 días antes de cada roteiro

Prezos:

Non soci@s:  Maiores de idade: 6 €    Menores de idade 3€

Soci@s: Maiores de idade 3€            Menores de idade 1€

 

 

Lugares de saída: 

A Laracha: diante do concello          Carballo: rúa Venezuela

Malpica: diante do concello

Coristanco: diante do concello

Zas: diante do concello