Onte venres día 18 de outubro celebramos o Día mundial da protección da Natureza. Dentro da efeméride e da véspera da Limpeza simultánea de praias organizada por ADEGA e coa que colaboramos, quixemos deixar para este día o comezo da conta atrás para a vindeira edición da ESCOLA AMBIENTAL, sen dúbida, un dos programas máis importantes da nosa entidade.

A partir do xoves que ven, todos aqueles nenos e nenas que desexen formalizar a preinscripción para a VIII edición da Escola Ambiental, poderán facelo dende o Espazo da natureza de Oza. Os horarios de apertura do Espazo son os xoves e venres de 17 a 20 h. e o límite para formalizar dita preinscripción será o día 28 de novembro. As prazas serán limitadas e atenderase á orde de preinscripción en caso de sobrepasar o límite das mesmas.

QUE É?

Lembrade que a Escola Ambiental é un proxecto transversal que comezará en novembro e se extenderá ata o comezo do verán, en sesións de fin de semana, principalmete os sábados de 10 a 13h no Espazo da Natureza de Oza. O custe das actividades é só o custe da matrícula ( 30€), sen custes mensuais.

PARA QUE IDADES?

Poden participar rapaces e rapazas que cursen 3º, 4º, 5º e 6º de primaria. Asi mesmo, poderán participar tamén integrantes da pasada edición da Escola.

Máis info: 611037617 asociacion@hotmail.com

Para máis información no seguinte enlace: Escola Ambiental