A pasada semana comezamos coa difusión da Escola Ambiental polos centros de ensino do Concello de Carballo. Percorrendo unha a unha, todas as aulas de 3º,4º,5º e 6º de primaria, para informar ás nenas e nenos sobre o funcionamento da Escola Ambiental de Senda Nova – Concello de Carballo, e entregarlles as follas de preinscrición para que poidan apuntarse a esta nova edición da actividade.

Máis de 40 charlas nas que a través de vídeos, fotografías e explicacións ,non só das monitoras e monitores, se non de algúns dos participantes da Escola de anos anteriores, nas que tratamos de mostrarlles ás crianzas carballesas o funcionamento da Escola Ambiental, as actividades que se veñen realizando, o xeito para poder participar etc

Agradecidxs coa boa acollida, un ano máis, deste proxecto por parte dos colexios, das nenas e nenos e sobre todo das familias, que xa son moitas as que están a chamar para solicitar máis información sobre a Escola.

O vindeiro luns día 22 de outubro abre o prazo de preinscrición da Escola para todxs xs nenxs que estean interesados en participar. Para preinscribirse terán que cubrir a volantina que se lles fixo chegar no colexio, ou poñerse en contacto con nós para facilitarlla, e entregala cuberta na Librería Punto e Coma (Rúa Valle Inclán nº 1-3 en Carballo), de 11:00 a 14:00 e de 17:00 a 20:30h. Dende o día 22 ao 29 de outubro. Con esa volantina estarán preinscribíndose á actividade e mostrando o seu interese en participar na mesma. Hai prazas limitadas, e iranse cubrindo por orde de apuntamento, polo que todxs os que estén interesadxs en apuntarse deberán facelo canto antes.

Esta 7ª edición da Escola Ambiental Senda Nova espéranos cunha morea de sorpresas e novidades, e fará ,un ano maís, gozar da natureza e do patrimonio a monitorxs e nenxs. Dará comezo o vindeiro mes de novembro e desenvolverase até o mes de xuño, tendo lugar todas as semanas, con actividades que se realizarán os sábados ou os domingos, dependendo do tipo de actividade. Coma sempre, os obxectivos primordiais son o coñecemento do entorno natural e o patrimonio cultural, en actividades de aula e tamén de contacto co medio, a través de accións ao aire libre que fomenten o espírito de convivencia e o coñecemento do material e os recursos necesarios para sair á natureza.

Se queres participar neste fermoso proxecto non dubides en preinscribirte! Faino axiña, non vaias a quedar sen praza! Lembra: a partir do día 22 na libraría Punto e Coma podes entregar a túa volantina cuberta. Para calquera dúbida ou máis información podes poñerte en contacto con nós  a través do correo sendanova@hotmail.com ou do teléfono 611037614.

Esperámoste!

Escola Ambiental de Senda Nova