A primavera tráenos a sementeira despois de ter preparado a horta.
Dende Senda Nova retomamos o programa SEMENTANDO NO ESPAZO coa idea de involucrar ás familias na horta comunitaria e fomentar o autoconsumo. Estas prácticas son aínda máis interesantes nunhas comarcas como as de Bergantiños e Soneira, con clara vocación agrícola e cunhas características especiais do solo que fan da terra unha autentica xoia.

SEMENTANDO NO ESPAZO é un proxecto que ten tamén como obxectivo a utilización da horta como nexo social. Como foro de interacción entre persoas dentro dun contexto de amor pola natureza e o patrimonio, potenciando futuros programas  e ideas asociados.

SEMENTANDO NO ESPAZO pretende poñer en sementeira fincas que agora mesmo non están en produción agrícola e que nalgún momento deron de comer á xente.

SEMENTANDO NO ESPAZO pretende ser xuntanza de coñecemento arredor da horta, fomentando a formación en conductas máis ecolóxicas, así como o espallamento de remedios antigos e ensinanzas tradicionais.

Queremos agradecer dende aquí a veciñas e veciños que nos prestan os seus terreos e aproveitamos para solicitar dende aquí a cesión de parcelas para facer máis grande o proxecto.

Aquelas persoas que queiran saber máis do proxecto ou queiran anotarse deberan facelo a través do mail sendanova@hotmail.com ou T 611037617.      Terán prioridade socias de Senda Nova e tamén familias da Escola Ambiental.

sementando no espazo