Revista “Abrindo Camiño”

nº 2   15-05-2020
Colabora coa revista ABRINDO CAMIÑO.
Necesitamos da veciñanza para difundir en papel o patrimonio das comarcas de Bergantiños e Soneira a través dunha publicación que ten como filosofía o espallamento da dinamización do noso rural e a posta en valor do traballo asociactivo.
Necesitamos salientar as ameazas ambientais das nosas comarcas á vez que potenciamos o comercio de proximidade e as feiras. Por iso precisamos a colaboración mutua con ese pequeno comercio en épocas tan vitais.
Nesta época de tanta reflexión reafirmámonos nestes valores.
Espalla. Colabora.

E con isto segue o camiño esta humilde publicación. Coas ganas de xuntarnos e de visibilizar uns esforzos máis escuros do merecido, de entidades e movementos a prol dun territorio cheo de espazos para protexer, de actividades realizadas, de valores escondidos que necesitamos descubrir.

Agradecemos ás empresas que nos axudan con estas follas, ao entender a nosa filosofía de querer apoiarnos só no pequeno comercio e no comercio sostible para saír adiante con esta publicación. O encaixe non é fácil cando se trata de iniciativas novas que marcan a traxectoria da actividade económica nunha filosofía definida.

As grazas esténdense a todos e todas as que tedes letras ou fotos propias nunhas páxinas que pretenden vertebrar en diferentes seccións, apartados que se centran no noso patrimonio e na dinamización rural das comarcas de Bergantiños e Soneira.

 

Jose M. Menéndez