Primavera en Ruta

Nace co obxectivo de aglutinar nun proxecto xunto a dinamización dos roteiros deseñados previamente.

A PRIMAVERA EN RUTA é o primeiro dos programas da asociación e nace cando o traballo de percorrer corredoiras e deseñar roteiros permitíu ter acadado os obxectivos de varios traballos pechados.

A parte interpretaiva é unha das maiores premisas, grazas á cal se mantén o compromiso e o respecto polo entorno e polos lugares de especial sensibilidade ambiental. Deste xeito, os grupos de participantes son pouco voluminosos, e no desenvolvemento dos roteiros téñense en conta os lugares de paso, evitando zonas de especial sensibilidade como dunas ou parte alta das praias, especialmente en época de aniñamento. O desenvolvemento das actividades conformanse en grupos cohesionados, favorecendo a labor interpretativa e tendo un maior control sobre os participantes por inprobables conductas pouco ecolóxicas ou problemas físicos.

No ano 2009 programase a I PRIMAVERA EN RUTA cun total de seis percorridos. No ano 2013 faise a cuarta edición cun total de 9 propostas (todos traballos de persoal da entidade agás a ruta do río Xabriña, en O Covelo). No 2014 cúmprese o quinto aniversario dun programa pechado de roteiros cun total de oito propostas ( unha delas un estreo) e todos eles deseños de persoas da entidade. O 2015 será o ano da aventura, con fermosas dinámicas que xuntan ao grupo nas 8 propostas de roteiros de sendeirismo.

Os obxectivos do programa conflúen cos obxectivos xerais da entidade: A protección dos espazos de interese paisaxístico, natural e cultural do entorno máis próximo. Deste xeito, as actividades organízanse dun xeito interpretativo onde se forma unha cadea de colaboracións entre a nosa entidade, o persoal de Protección Civil de Carballo, os concellos colaboradores, os persoeiros e entidades das parroquias por onde pasamos e os participantes.

Todo este encaixe permite o desenvolvemento da actividade dun xeito ameno e interpretativo, onde cobran especial importancia a nosa poboación máis nova e onde as paradas nos puntos e lugares de intersese permiten ás persoas que nos axudan no coñecemento, explicar e desmeuzar os tesouros que unen as corredoiras que percorremos.

O programa completase con actividades paralelas que exprimen ao máximo cada xornada no fin de profundizar e achegarse a un maior coñecemento.

As camiñadas son as actividades máis coñecidas da entidade, e coas que comezou a súa andaina ao dinamizar os traballos previos de deseño dos seus membros. O conxunto de camiñadas establecidos en diferentes programas entre os que está a PRIMAVERA EN RUTA, conforma ao longo do ano unhas vinte propostas interpretativas. Consideramos estas actividades e o xeito de realizalas, como unhas das máis interesantes, mesturando espírito de convivencia, paisaxe, deporte e, o que é máis importante, coñecemento do noso patrimonio para poder respectalo.

As mochilas limpas, as botas con crema e o impermeable listo. Todo a punto para que este domingo se inicie a 12º edición da PRIMAVERA EN RUTA, o programa máis antigo da asociación, que este ano pretende chegar ás 8 andainas.

OBXECTIVOS

Sen dúbida, o máis preparado por parte de Senda Nova e camiñantes é o espírito de coñecemento e de posta en valor do noso entorno. Case 200 paradas ben definidas nos agardan dentro dun programa que percorrerá as comarcas de Bergantiños, Soneira e Ordes, para sacar á luz e coñecer moito do patrimonio máis importante da bisbarra. Coma sempre, farase a través deses marcos establecidos, eses deseños de itinerarios que non son outros que traballos previos de investigación da propia asociación, principalmente a través do esforzo de Evaristo Domínguez Rial e Jose M. Menéndez Varela.

O agarimo a eses traballos e eses puntos interpretativos ven dado na procura desa dinamización dos mesmos a través de programas como este que ve a luz.

SUMA DE ESFORZOS

A PRIMAVERA EN RUTA é, coma outras, un cúmulo de esforzos. A implicación do Concello de Carballo, do Concello da Laracha, de Trazo, do Concello de Malpica de Bergantiños e o Concello de Zas únese a labor de Protección Civil de Carballo e do voluntariado de Senda Nova. Unha ensalada de mans para elaborar un calendario fará chispa cada domingo dende agora ata mediado o mes de xuño. Oito domingos para a aprendizaxe.

MATERIAL GRÁFICO AO FINAL

Ruta 1. O SON DO ANLLÓNS

(Carballo, Coristanco, Ponteceso)

Anllóns, arteria principal de Bergantiños

7 abril

Distancia aproximada 15 km

Dificultade baixa

Ruta 2. CAMIÑOS DE ALDEMUNDE

(Cerceda, Carballo, Tordoia)

A máxia do bosque atlántico

14 abril

Distancia aproximada 7 km

Dificultade baixa

Ruta 3. CORISTANCO HISTÓRICO (Coristanco)

Patrimonio e historia

21 abril

Distancia aproximada 15 km

Dificultade media

Ruta 4 RUTA DAS MÁMOAS ( Cabana de Bergantiños)

Tesouros megalíticos

28 abril

Distancia aproximada 14 km

Dificultade baixa

Ruta 5 FORZA DO RÍO CHONIA

(Trazo)

Segredos na meseta de Ordes

5 maio

Distancia aproximada 16 km

Dificultade baixa

Ruta 6 COSTA AGRESTE DE CERQUEDA E CAMBRE

(Malpica de Bergantiños)

Xeoloxía, arqueoloxía e paisaxe

21 maio

Distancia aproximada 15 km

Dificultade media-baixa

Ruta 7 TERRAS ALTAS DE SONEIRA (Zas)

Soneira dende o alto

19 maio

Distancia aproximada 16km

Dificultade media-baixa

. Ruta 8 CAMIÑOS DE CAIÓN

(A Laracha, Carballo)

Miradoiros do Atlántico

26 maio

Distancia aproximada 14 km

Dificultade baixa

COMO SE REALIZAN AS CAMIÑADAS

As andainas sufriron modificacións, sendo estas de menos percorrido e menos dificultade que en edicións anteriores. Aínda así, comeremos o bocata da comida xuntos. A hora de chegada dependerá da andaina.
Coñecendo mellor o noso entorno, porque paramos para aprender. Para ofrecer os nosos coñecementos e para escoitar aos que aportan.
Dende a organización encargámonos de recollerte no transporte nos lugares habilitados e devolverte ao mesmo lugar.
Camiñamos en grupo.
Os roteiros foron deseñados para pasar por lugares de interese cultural, natural e paisaxístico. Para poñer en valor o noso patrimonio e para escapar do asfalto.
Integrámonos nas dinámicas.

NON TE ESQUEZAS

Puntualidade

O teu avituallamento e a auga
Calzado e roupa axeitada. Haberá lama seguro!
Nunca deixes a mochila, un impermeable, navalla, gorra, protección solar e…a cámara de fotos!
Sentimos que nalgunhas saídas e, para un mellor desenvolvemento da actividade, cumprir obxectivo e coidado do entorno, as prazas poden ser limitadas.
Que as actividades poden sufrir modificacións.

INSCRIPCIÓNS

Lugares de inscripcións:

Base de Protección Civil de Carballo.

Edif. Ambulatorio vello. Carballo 2º andar luns a venres de 9:30 a 13:30h

Departamento de Cultura e Deportes do Concello da Laracha

Praza do Concello s/n 2º andar luns a venres de 9:30 a 13:30h

Espazo da Natureza de Oza mércores, xoves e venres de 17 a 20h.

Data límite de inscripción:

Ata 2 días antes de cada roteiro

Prezos:

Non soci@s: Maiores de idade: 8 € Menores de idade 6€

Soci@s: Maiores de idade 6€ Menores de idade 4€